Kryetari i Aleancës për Ardhmërinë e Kosovës (AAK), Ramush Haradinaj është takuar me kryetarin e Federatës Pan-Shqiptare ‘Vatra’, Ilmi Berisha.

Gjatë këtij takimi u diskutua për zhvillimet e përgjithshme politike në vend e rajon, shkruan Arbresh.info.

Po ashtu, Haradinaj ka theksuar nevojën e përkrahjes së kësaj Federate veçanërisht në procesin e anëtarësimit në NATO.

“Pata kënaqësinë të takoj kryetarin e Federatës Pan-Shqiptare ‘Vatra’, Ilmi Berisha, me ç’rast biseduam për zhvillimet e përgjithshme politike në vend e rajon. Njëherësh ritheksova nevojën e vazhdimit të përkrahjes së tyre për Kosovën si për zhvillimin ekonomik të saj ashtu edhe në temat e rëndësishme që na presin në të ardhmen, veçanërisht në procesin e anëtarësimit në NATO, si një nevojë urgjente e cila garanton më shumë siguri dhe paqe në rajon.”, shkroi ai në Facebook.

Kreu i AAK-së tha se shqiptarët që jetojnë e veprojnë prej vitesh në Amerikë, janë shembulli më i mirë i atdhedashurisë dhe i përkushtimit ndaj kombit.

“Ata kaluan Atlantikun, por lidhjen me atdheun nuk e shkëputën asnjëherë dhe vazhdojnë të luajnë një rol të rëndësishëm edhe sot në rrugën e integrimeve të Kosovës.”, tha ajo./Arbresh.info/